2008年3月12日 去東京探Sarge遊公園 ２

我地１１点前去到隊長住0既地方「立川市」。　

原来立川市係個好好0既地方、動静都有。你要Shopping 有好多百貨公司、Shopping Centre、有戯院、銀行、大間0既電気用品公司、連食日本拉麺都有一個専門地方、仲有車去動物園、付近有個大大公園、、、総言之有好多好多設備。

隊長無選錯地方、立川市　－　「好」

因為好重、所以我地先去隊長屋企、加上迫0向個細個0既袋、大人人決定放0向隊長屋企休息一陣。　小灰灰同大人人、隊長、Sarge 就去食日本拉麺同買晩飯0既材料。

食完拉麺後見時間仲早、所以四圍去八。車站付近有好多買野食0既地方、大人人同隊長一邊睇一邊講、、、大人人不停嘩！！　嘩0羊？？？

「嘩！0尼D 好食。」　「嘩！0尼D 想買。」　「嘩！0尼D 好特別。」　「嘩！0尼D 我住0既地方無。」　「嘩嘩嘩嘩嘩嘩、、、嘩」好煩0牙！！

最終、隊長買了一個特別推薦0既大蕃茄、然後又買蛋糕、再去付近超市買材料。

結果行0下買0下返到隊長屋企已経差不多３点３。大人人点会忍到口吾食件蛋糕一人一件吾使争。

0牙！等小灰灰再介紹Sarge 比大家認識。吾好見Sarge 0甘細隻、Sarge 係同小灰灰我地0既哥哥、Sarge 第一次去香港時、小灰灰都吾知0向邊？！

小灰灰：　「、你吾好偸食大人人件蛋糕0牙！」

我地去隊長屋企前幾日係「ひな祭り」。

一個女仔0既節日、有女0既屋企一般都会放類似相中0既公仔。

小灰灰：　「、你0甘大隻、小心D 。吾好整爛D 公仔！」