日本版 PROSURE 、Oral IMPACT ～乳癌

某日大人人0既好友話香港D 癌症患者手術、化療時有飲D 営養奶
就係0甘上網搵

搵到２隻　
一隻叫　PROSURE 保康速
一隻叫　Oral IMPACT 速癒素

２隻好似差吾多、大家都話：　化療、電療或手術後，有助減輕治療期間的不適及副作用，提升體力但味道就好吾同
PROSURE　有２種味、雲利拿同橙味
Oral IMPACT 　就得一種味、乳酪味

網上用家話橙味超難飲、但大人人超吾鐘意雲利拿味
吾好理、PROSURE話「歡迎索取試用裝」、但可惜攞0左２個星期都未収到　！！　
IMPACT 就無試用裝　！！

点知又好彩、大人人２個家姐見到日本都有雅培、再搵搵
PROSURE 、Oral IMPACT　日本都買到
但同香港吾同係、２隻都吾係奶粉装、係液体装

日本版　PROSURE 焦糖味　240ml　／盒
無試用、無散買　一買就一大Pack 27小盒　　
連運費、多謝11000円　　（家陣約HK$900左右）





対大人人0黎講、好甜、質地又厚、、、比較「結」　
試過加豆奶、但要加到変吾甜0既話、就要加好多豆奶、結果一杯変２杯、飲到一肚奶

＊＊＊＊＊＊＊＊＊＊＊＊＊＊＊＊＊＊

Oral IMPACT　乳酪味　（香港都係乳酪味、但吾知到底一吾一様）　
都係都係大人人吾多鐘意0既味
都係無試用、無散買、250ml　一小Pack　　一買就係一大盒　24小Pack 連運費、多謝11088円
好彩吾覚意多口去問問医院個「相談室」、経過貴人幇忙、突然有得見見営養師、見完仲有個試用攞





今日試0左、乳酪味吾重、質地都無PROSURE 0甘「結」、算容易飲

本来以為無、要麻煩朋友0向香港買
不過、、、最大問題係無得試味、、、好似好冒険

香港係平過日本好多 、有Coupon HK$299　有２缶、仲有４包試用装
但計計、寄又要郵費　＄＄＄￥￥￥ 　最後到底又会平到幾多　
（其実、有好友話叫復活節0黎日本玩0既朋友帯比大人人、、、最終時間関係無煩人地、但感覚良好、有朋友真好　Yeah Yeah ～）

家陣２隻都買到又飲到、可以煩少D 大家　Haaaaaaaaa ～　
老實感覚有D 貴0左、成HK$３０　飲一杯、、、
但又計吾到0甘多、命仔仲貴

大人人好大機会４月９号開始打化療針、所以上個週末開始飲PROSURE
吾知有無関係、但0尼幾日便便吾通順　！！！

収保険金（日本）１ ～乳癌

吾知大家有無買保険
部分人認為吾需要、覚得銭放自己度好過比保険公司（木村Fa 就係0尼種想法0既其中一人）
又有部分人認為保険吾少得、間間保険公司去買買（木村媽就係0尼種）
大人人同木村就係　：　保険要有、但又吾使過多

不過今次又要多謝木村媽
木村媽因為見木村同大人人週末、長假期時要飛車来回木村媽屋企同秋明山
所以自己用私己銭同木村大人人買0左個平保険

月費2000円一個、無Saving 部分、交通意外0既話就可以Claim 多D 、病就少D 保障
但病死都有４００萬円収　（交通意外死就成１０００萬円）

一般住院都有包
今次大人人入院１２日就攞到　

大人人個保険吾覚吾覚都比0左５年幾、計計都比0左成十萬多円
0甘睇又好似買保険無着数

但、、、
保費係木村媽比、銭係大人人収、所以　Haaaaaaaaaaaaa ～　都叫有幇補　
所以今次真係要賛賛木村媽做得好

由２月１開始睇医生、做各様検査、手術、住院、要医院寫文件比保険公司　、、、　各様各様
大約用0左５０萬円
交保険公司0既文件叫交晒、吾知幾時先「「回本」」

報告大人人近況 ～乳癌

３月１２号
大人人同木村去見医生
点解又要木村去？
因為医生要有病人親人陪同下説明有関化療0既安排
家陣話化４次（針）、毎３週為一次、化療時間約需３個月、療効理想就改食薬
但因為大人人個傷口有D 問題、所以要医返個傷口先

３月１９号
再見医生、話傷口有改善、再継続医傷口、下星期再見　

大人人家陣日日都好悠、
生活内容就係　：　　食　ｚｚｚｚｚ　去医院見医生做物理治療　
仲有去図書館借0左D 書睇

手、、、叫郁到、、、但当然継続痛、継続麻痺、継続水腫　
但都OK 0既、、、以上全部都係正常有0既
証明大人人都係「正常」

去浅草橋Wacoal 試Bra 買Bra ～乳癌

決定做手術後大人人就開始上網睇有0羊野0岩乳癌患者用
比較急0既係Bra Bra
家陣秋明山仲凍、着件厚衫、無Bra 無一邊胸都吾多覚
但計計好大機会４月開始做化療
吾知做幾耐、吾知大人人中邊様副作用
一個吾覚意就到夏天、無Bra 着点出街

上網睇到有D 無名無牌0既Bra Bra 、假胸、、、但老實価銭吾平
選択吾多、都無得再理平吾平、但買得吾多安心、因為吾知邊度做、0羊質地、、、無得試無得換
加上癌0尼D 、都算係「用銭病」、長期抗戦、無得搵銭0既時候、有D 銭更加吾可以乱用

再上網再搵

搵到Wacoal 有条専線係乳癌患者用0既、仲有４０年歴史
http://www.wacoal.jp/remamma/



攞0左本Catalogue 価銭一般、同正常買個Bra Bra 差吾多
但無月下貨、無上年款、、、無Discount 、、、全部都要用正価買
但老實都叫係Wacoal 、有信心D

原先話上網買幾個着住先就算、、、
但、、、Bra Bra 0尼D 点都係試過先買好D 、特別家陣大人人体型又吾同0左
問木村好吾好老遠去次東京、木村話好。　因為家陣精神仲算OK 、傷口又吾係好痛、大人人覚得OK 就去
加上、小灰灰楼下都叫有架無0羊人坐0既電車、全車指定席、一定有位坐、大人人自己様様小心D 、都OK 0既
就係0甘（３月）１３号去0左次東京



小灰灰我当然有去、去陪大人人、去比銭
毎個客人一個房、一個Wacaol 姐姐、可以安心問、安心試、又吾使入個細細試身室、服務算幾貼身、最少無令大人人覚得自己有「特別」



0尼幾個胸、暫時同大人人無関係、因為係要做完治療後、体型無再有大上落時先買

　

0個度D 姐姐好友善、大人人慢慢試慢慢試、真係慢慢0架、因為吾可以大動作　
由説明到試身、確認買0羊都撹0左成個幾鐘
大人人本来想買多２件小背心２個胸、点知姐姐話吾好買太多、有得替換就OK
等治療後、再去多次、再試身先再買吾会浪費

嘩嘩嘩　～　0尼D 服務態度　、、、好　

但有一様野麻麻、、、就係、無0羊色選択、老實都吾敢要求多款
大人人買0左件背心、本来想買多件、但吾好意思、得個灰色、無其他色
結果、大人人都係買0左一件
若果Wacoal 可以做多２個色、就更好更好　

後記：　
今日（３月１８号）大人人去医院吾覚意睇到間売乳癌患者用品0既公司産品介紹
有需要0既患者可以上網睇睇
http://www.be-japan.com/

0尼間都有D 産品設計得幾好、但吾似Wacoal 有ShowRoom
上網買、買吾0岩、有退貨　

話時話、各位同病相「連」者　（小灰灰無打錯字、因為大人人話病吾一定係「可憐」）　
0黎日本玩時又想上Wacoal 買野0既話、可以聯絡小灰灰代做予約
Wacoal Show Room 原則上要約時間
日本人就一定吾会Walk in 、所以吾敢講Walk in 会吾会吾受理

大人人点発現自己有病？ ～乳癌

話説大人人初中時左邊胸生過一種叫「繊維瘤」0既物体
医生話0尼類瘤間中就会出現、又可能吾再出現、所以大人人一直都比較注意自己個胸
但話注意都係経前経後例行自己望望摸摸有無異状、　無就叫算

0黎日本0甘多年（都５年半）年年都話做Body Check 、　得個講字

有書話、部分癌、就算有做Body check 都未必発現到
但、、、有做Body check 一定比較無做好　（事到如今　！！）

１月、大人人又例行工事地望望摸摸
吾知点解、明明望吾到、摸吾到、但係都吾死心
日日継続望、継続摸、　Haaaaaaaaaa ～　

１月３０号
最終都被大人人摸到右邊胸有D 腫
不過又以為係自己「日有所思、夜有所夢」、当日無認真理
１月３１号
一早起身又再摸、、、　発現腫0既部分大過前一日Wow

心知不妙、但吾知有幾不妙、、、上網搵付近邊度有医生睇
無知0既大人人原先係搵婦科医生、搵搵0下先知、胸0既問題属「外科」

好彩屋企付近（自己開車去都吾使１０分鐘）有間規模吾算細0既市立医院
間医院係日本政府列作為地区癌症連繋医院
大人人心想、真係好彩、大吉利是時、可以吾使転医院、継続受医
好、就去0尼間医院

２月１号
大人人第一次見外科医生、医生話：　係Wow 腫0左Wow
安全起見、做個マンモグラフィー（mammography　中文好似叫：　乳房X光造影 ）
做完、同医生一齊睇片、大人人自己都見到D 野　、、、
医生話有問題、即時決定転大人人去「乳腺外科」、離開医院前再去做個超声波

２月５号
大人人同医生齊齊睇超声波相、医生話可大可小、
叫大人人当日接受個マンモトーム（(Mammotome　粗針切片檢查）攞D 細胞做検査
都幾痛0架、話明粗針、枝針真係幾粗0架、上網睇資料話有4mm粗　（0尼個４ｍｍ吾同大人人織針0個D ４ｍｍ、大家又吾好太驚）
連麻酔、一共５針、拍完針自己開車返屋企時、右手無0羊力、真係想的士返屋企、、、
好彩、小灰灰0尼個秋明山繁忙時間都吾多車、同阿愛車慢慢行慢慢行無事地行到返屋企
　
医生要大人人１２号覆診時帯木村一齊去
大人人話：　医生、我都係大人一個、我接受到任何消息、確認係「大件事」先拉木村去聴得吾得
医生（（当然））話：　吾得
仲話　：　係0羊問題都好、原則上都要做手術攞0左D 腫0既物体出0黎、所以一定要屋企人現身。
木村話0尼D 係日本習慣、所以同公司請假去聴報告

２月６号
時間関係、、、大人人去做個CT 、MRI 、シンチグラフィ　（scintigraphy　0尼個吾知中文係0羊、係検査骨有無被影響0既）

見医生好似好緊張、、、大人人開始意識到事情0既厳重性
於是開始努力上網搵資料、搵書睇　、、、　見到自己D 検査情序、検査結果、、、各様　、、、　就知自己一定係乳癌
只係吾知自己係　：　
原位癌　　定係　　非原位癌　

２月１２号
大人人同木村見医生、睇化験検査報告、確認係癌、做手術、排期入院
　
好彩間医院又吾多爆、木村話如果0向東京、其他大城市、、、相信無0甘快可以做晒D 検査、有結果、仲排到期１９号入院２０号做手術


PS:　
小灰灰用大人人経験0黎講、希望大家吾好好似大人人0甘望望、摸摸就叫有留意
毎年去做個乳房X光造影、多DD 保障

３１１地震 ～ ２年

吾覚吾覚、又２年

小灰灰仲好記得
当日0既震
之後0既驚

0尼幾日睇返D 有関３１１報道
依然覚「「痛」」

大人人話、一日未死、一日仲郁得、都仲有機会

　

是福不是禍、是禍笑住過　

2013.03.02 大人人出院0刺 ～乳癌

先多謝大家関心
吾覚吾覚、大人人出0左院都有一個星期

大人人精神好好、除0左D 正常手術後遺症要面対外
都叫OK 、毎日毎日進歩中

大人人、、、
２０１３年２月１２号　正式被確認為癌病患者

癌、一個現今世代好普通0既病　

吾知其他人点睇、点感受、、、
大人人就覚得自己算係：　　好彩　

因為大人人患0既係：　乳癌
未拡散、做完手術做治療就可以暫保人命
最少、、、
仲未厳重到0羊治療都吾使做、無得做

上次（２０１２年１０月）返香港時、有朋友講、最近好似多0左好多癌病病人
大家身邊付近都好似会有幾個　、、、
無想到大人人自己都会係其中一個　

小灰灰吾打算講病歴詳細（網上好多参考個案、専門知識、大家想知多D 可以上網睇睇）
或者間中講講大人人感受、過程中所見、所知

大家放心、大人人接受到事実、無特別覚得D 0羊
大人人吾係第一個、都吾会係最後一個　
吾知点解、大人人一直都有Ｄ感覚自己與「癌」有Ｄ微妙関係
可能係0甘先開始織野送比癌病患者
　
傷口、手術後手0既問題、当然有
好彩（又、、、）経過２個星期物理治療、手0既活動能力、都可以満足到日常生活所需
早２日、大人人仲開始織返野、
慢慢織、慢慢織、慢慢織　、、、　



下星期２（１２号）返医院見医生、到時会決定日後治療方法
開始　、、、　長期抗戦



PS:　

有BLOG 友問、、、
大人人係吾係生BB 、、、
？？？？？？？？？？？？？？

大人人活0左0甘耐都吾知原来生BB 係「「病」」0黎0既
Haaaaaaaaaaaaa ～　
吾知0尼類「笑」算吾算係吾尊重病患者同作為母親0既一群
其実、、、
0甘問可能無0羊特別
只係大人人0尼Ｄ性格先覚得係、、、問題