小灰灰、一隻超可愛0既灰色Snoopy: 4月 2013

2013年4月28日日曜日

４月２３入院、２８出院　～乳癌

大人人見星期一晩発冷発熱怪怪地、所以星期２去見医生

験血結果係大人人「白血球」同「好中球」数量好少
0尼個時候若果受感染0既話比較麻煩、所以安全起見、即時入院

其実、今次真係因為係安全起見先入院
未有需要入無菌病房、但医生都安排0左大人人住0左単人房３晩、打幾針、吊薬　三日後就出返大房

本来尋日出院、但因為医生有緊急手術要做、無時間理大人人個験血報告、到尋晩医生先出現、各様正常、今朝一早可以出院
家陣大人人好好精神、同平日一様、大家放心　

医生同薬剤師都話今次問題係好「「偶然」」先有。　其実、、、最大原因係　、、、
係、、、
医生同薬剤師計算上有差異、落多0左化療薬比大人人、化療薬令白血球同好中球増量激減
発冷発熱0尼D 全部係「薬物反応」問題、吾係病毒問題
点都好、好彩今次無毒死小灰灰個大人人
下次化療就会減返少少薬

同薬剤師検討過去２星期食野、食薬各様
基本上、今次問題同過去２星期0既生活、飲食無関係
所以大家更可以放心

至於大家提到0既

戴口罩　　
大人人基本上毎日大部分時間都戴住。　除0左沖涼食野刷牙嗽口0尼D 時間。　講大家可能吾多信、真係連小睡、午睡、大覚睡時都戴住

食物
魚生刺身0尼D 手術前２個星期就無食、家陣当然都無。　
連生0既菜、都無食。　煎炸野油膩野、、、0米係食得一次0甘多
Haaaaaaaaaaaa ～　雪糕0尼様、、、　其実係之前問過医生、営養師話OK 先食。　一般舗頭売0既軟雪糕就吾好食、有包装好0既都可以食0既　

人多地方、公共交通
小灰灰住0尼個秋明山人本身人口吾多、0尼２個月去得最多人0既地方係医院、但吾去吾得。　
交通方面、、、公共交通有、但対日常生活0既方便程度可以話超低、巴士線吾多、一日得３～４班車、多班次D 0既又吾行小灰灰0尼邊、所以大人人去超市去医院都係用自己車

化療注意事項小冊子、医生、営養師講0既大人人都有照做
大人人無乱0黎0架、大人人自己都想快快化完個療、様様都会量過力先做

但同時大人人都会0向「許可」「安全」「健康」範囲内比自己一点自由

0甘講、可能大家会覚得自己白白担心0左大人人
其実小灰灰講出0黎就係想大家吾好太担心

要大家0甘担心真係千萬個吾好意思　

医生話休多個星期先做第２次化療、原定３０号0既化療延期到５月７星期２　

2013年4月22日月曜日

副作用増加中？　～乳癌　

今個星期定時定薬定餐0既大人人真係健康0左好多
都未有一個星期就食肥0左

体重、、、「「　増加　」」　0左　、、、　１ｋｇ　　　嘩！嘩！嘩！　

吾通其中一個副作用係：　　大食　　？？？　　

食0左D 0羊　？？？　　都係正常野　、、、　　例如　：

　　　　　早餐A 餐　：　　　　　　　　　　　　　　　　　　　　　　　　　　　早餐B 餐　：　　

　　　午餐A 餐　　：　　加料福字米粉　　　　　　　　　　午餐B 餐　　：　家楽牌快熟通粉　
　

小食　、、、　吾係毎日食0架、　0尼幾日只食過一次、個雪見大福仲係同木村一人一個　

晩餐A　：　　木村0既洋葱沙律　、　営養師叫大人人吾好食D 無加熱0既菜、所以大人人就丁丁金姑、薄薄豚排３塊（牙菜底）、韮菜炒蛋、納豆

晩餐B　：　　木村沙律、餃子菜湯（木村同大人人各一碗）、菜豆腐包鮮冬姑炒類似香港0既丸丸、明太子　

都係D 普通野、普通分量。　　連木村見到大人人0既胃口都大叫　：　奇怪

見大人人0甘精神、前日木村就帯大人人出街食拉麺
大人人好好好鐘意食拉麺0架　　　　真好　～　真好　～　真好　～　　

麺一人一碗、餃子相係２人分量、個Mini 炒飯大人人食0左２口　

民以食為先。　有得食、食得到、真係超級幸福　

点都好、「食到」一定好過「食吾到」。　　化療、要化４次、家陣先第１次0既第２週
大家経験話、化療次数越多、身体越0黎越弱、0黎緊可能無0甘好彩、過得0甘容易

所以：　　　　今天食到今天食、不要留待到明天。　　　最多「化療」完、　再開始努力「化脂」

尋日（４月２１）大人人起身後一直無覚得辛苦、所以決定吾食任何薬、算OK 地過到大半日。　
但到1600左右就開始覚頭痛、夜晩仲覚大脾肉痛、、、因為知係副作用、所以無忍、食粒止痛薬眠眠眠
又吾知係吾係食得薬多、成日覚口乾、、、
但原来0尼様都吾簡単可以解決、、、以為飲多D 水就得La　
点知個口好似有個洞0甘、飲完又乾飲完又乾飲完又乾

PS: ４月２２　晩上７点
吾通0尼D 都有「「　小気　」」　、　今日大人人超吾得、、、頭先探熱　３８度　、、、　再高D 就要入院　！！！　

2013年4月20日土曜日

心理＆生理　～　打気、支援、救済　～乳癌

自大人人開始要「医」後、屋企人各方友好都比好多「「支持」」大人人
今日就等小灰灰同大家分享0下

最先収到0既係２塊Snoopy 三角巾、因為大人人話出院後、手0既活動能力有問題、又有個傷口、出街時用条三角巾包包阿手、等其他人見到都会避一避
朋友就即時去車　、、、　大人人去浅草買Bra Bra 時就有用、Work 0架　

之後、大人人話想要D 雲耳木耳、放落0羊菜都一斉食都OK 、又有繊維、有助便便、、、魔鬼包租婆同愛Ema　又即時寄0左0黎
　

未手術前大人人発現有Snoopy Pink Ribbon Pin 、但Ebay 先有得買、無法只好麻煩朋友代為Order 、点知朋友就話送比大人人打打気、見隻Minnie 都好靚Wow 所以都、、、好一個貪心0既大人人
　

去浅草時、見0左個日本人朋友、可以話係大人人唯一0既日本人朋友。　大人人見到朋友就Happy 、無想過話要0羊、点知朋友買0左Set 好柔軟0既沖涼巾比大人人、仲有大人人鐘意0既TAKANO豚古力　～　

無耐突然収到日本保険Aunt 寄0黎0既Snoopy 、0尼隻Snoopy 個名叫「由悠」　

有日同朋友講、、、攞吾到IMPACT Sample 、朋友又去医院攞、話吾知意米係0羊様、吾知意米日文叫0羊、朋友又去買又去寄　

話化療開始、身体可能変弱、可能要做３個月「宅女」、朋友寄0黎小説、CD 、仲有本教点将食物冷凍、去吾到買都仲有得食

話天気乾燥、個傷口付近、全身都乾到爆、D 静電電死人　、、、　（好誇？大人人係0甘上下La ）
朋友又親自動手整0左D 無添加肥皂比大人人　

有次話好耐無食杏仁餅、、、話意米可能食多２個星期就無、、、　　朋友又寄0黎　

0尼頭話無胃口、想食香港野、、、　魔鬼包租婆愛Ema 就即時処理　、、、　　

Haaaaaaaaaaa ～　仲有精神上淘宝買野0既大人人、叫叫又有朋友代為Order
２件Snoopy 衫、一様款、吾同色、吾同Size 　

最初都幾多人問大人人点解吾返香港医病　、、、　話香港有多D 屋企人、朋友照顧

但、、、

其実、、、　

真係有「「大」」分別　？？？　　

屋企人、朋友　～　～　一直0向身邊、　従来吾覚遠　　

Thanks Thanks Thanks Million x n

2013年4月17日水曜日

抗癌剤　第一回　第一週過去　～乳癌

近年大人人好少覚得時間過得慢
但過去一個星期就真係覚得、、、慢慢慢

尋日去見医生、験血、、、進度算理想、大吉地無大問題、正常副作用有、但吾算厳重

最初大人人吾多想食止嘔薬、更吾想嘔、所以少食多餐
但因為0甘就要想多幾次食0羊
結果、想想0下又覚麻煩、「是旦食」
当然0尼個「是旦食」吾健康La
結果、又撹到自己無便便、、、　！！！　　

対上個星期日真係麻麻　！！　但好彩木村0個日全力整三餐、大人人又食到
開始覚得吾好計算食幾多止嘔薬、連化療薬0甘毒都要入身、多幾粒止嘔薬邊使驚

所以0尼２日大人人就開始定時定薬定餐。　Haaaaaaaaaaa ～　又得Wow
便便正常返、毎餐食多D 、努力食、暫時体重無加無減

上星期因為無便便、所以大人人想晒法子去誘惑便便出0黎
食生果、主動買提子、草苺、桃　、、、味乳酪食　（大人人吾食原味乳酪0架、話頂吾住D 味！！）　仲有食納豆

納豆0尼D 、個大人人又係好鬼選択、只係食到幾個牌子、幾款
其中一款係茨城県民比較普通、但其他日本県民又吾係普通0既納豆「そぼろ納豆」（→吾知中文叫0羊　、、、）
簡単説明一般納豆就得豆、そぼろ納豆就係納豆中加0左D 「大根漬物」0既納豆
食起上0黎口感好吾同0架

就係因為其他県吾普通、小灰灰住0既0尼個群馬県就買吾到
当然0個D 「大根漬物」可以自己慢慢加、但家陣0既大人人又点会自己慢慢又切又整

結果、、、大人人星期一就同木村媽講、、、好想食、、、
結果、、、木村媽就即時処理、、、即買即寄　

Haaaaaaaaaaaaaaaa ～　　尋晩収到0刺
納豆係茨城県其中一種名産、「舟納豆」就可以話係、納豆中0既名牌　

Thanks 木村媽　
都話過La 、木村媽正常時好好0架　

今晩食飯時大人人同木村食0左「そぼろ納豆」　　追加相　↓　↓　

其実仲有各方人士0既吾同救済品、礼物、、、　　　時間関係、遅D 再講

尋日見到BLOG 友　Mei Mei 件蛋三文治
http://blog.yahoo.com/_DPJJV3OKLMNTIY6HPAARYIQUAI/articles/1154021#comment-item-1234810
好想好想食
今朝大人人真係整0左
二人前、三隻蛋、四塊飽　

但点解依然好似差Ｄ蛋…

2013年4月12日金曜日

復織

早排大人人都叫精神D
所以又可以「復織」

時間関係　　（2013-13）　　
３月７号開始織、織到４月３終於都織完

暫時吾打算整波波、難収蔵

有朋友話鐘意、但又話吾好意思又吾想無功不受碌、Haaaaaaaaaaa ～　結果大人人叫朋友去捐HK$100 去任何一個癌症基金当買
交易成功　

（2013-14）　
吾知点解大人人0甘有「精神」　　４月３晩開始織、、、４月４就完成

２頂都係冷、其実大人人都吾係打算織比自己帯。　都係想郁郁手、吾使0甘悶、可以清冷外、冬天時又可以送人

（2013-15）　　
突然搵到個冷蔵庫有D 吾多靚色0既線、放0左都有２－３年、算La ～　粗粗地織頂比自己用好過浪費La

点知、、、　
0尼頂帽、吾覚意地為大人人帯来個暖心0既経歴、時間関係、下次先講

一件暖心頭0既「小事」、一対拖鞋0既価値　～乳癌

話説大人人最近去復診時都会見返D 「前輩」
其中一個吉田Aunt 比較見得多、所以大家見到面時都講多２句

有日、大人人等医生時覚口乾、但又驚行去買野飲時就到自己、一直忍。
吉田Aunt 因為可以見医生先、見完就Say bye La
点知突然見吉田Aunt 又返0黎、、、　原来Aunt 買0左枝茶比大人人
OH No !!　　
大家当然明白小灰灰吾係想話茶0既価銭

係茶対大人人0既「「価値」」

所以織0尼頂話夏天可以帯0既帽時

大人人就想起吉田Aunt 話買吾到心水0岩春夏天帯0既帽
大人人織帽都係打算送比癌症患者、吉田Aunt 正正係個送0既対象
但因為Aunt 個頭又比較細、所以大人人先織自己0個頂、見面時就比Aunt 試試大細、再織一頂比Aunt

４月９　、、、　
原来大家都係当日做抗癌剤治療、、、齊齊入院、等見医生時、大人人就攞頂帽比吉田Aunt 睇、話係打算送比Aunt 、、、但大細問題、、、
点知Aunt 超開心、話吾想等、吾想大人人織過。　話大有大帯、太大可以做D 手脚（例如加個心口針釦釦就得）
見Aunt 0甘講、大人人当然楽意送La

暖心頭事当然吾係0甘就完

話説、大人人突然発現自己漏帯拖鞋、但又排緊等見医生、又吾想走開去買
同上次茶水時間一様、吉田Aunt 可以先見医生、見完等護士安排入院之際、就到大人人去見医生

点知到大人人見完医生出返大堂等時、就見到阿吉田Aunt 笑笑口攞住対拖鞋行近自己度

吾使多講、都知係吉田Aunt 買0黎比大人人、所以大人人都吾同Aunt 客気

其実、対大家0黎講都係做緊一件自己覚得小事0既事
但小事吾代表価値都小

有D 人覚得自己「無本事」做「善事」
其実0羊先算係「善事」
「譲坐」又要幾本事先做到

有D 野做、吾做、点做、順自己心做就好
吾做、吾需要理由
做都一様、吾需要理由

Sorry 、大人人撹到小灰灰都感慨大0左D Tim 　～　

2013年4月11日木曜日

抗癌剤　第一回　～乳癌

４月９
一早去験血、等報告、見完医生、医生確認無問題、可以入院接受第一次抗癌剤治療

吾知香港情況点、大人人就因為係第一次、医生驚第一投薬0既患者有薬物敏感
所以0尼間医院有個習慣、要第一次接受治療0既患者全部入院
好、当然係好事
就係0甘大人人就住0左一晩医院

第一次、吾知点、只知係似吊塩水0甘
大人人個治療就係　：　
第一吊　：　　止嘔薬　（大約２０～２５分鐘）
第二吊　：　　第１隻抗癌剤。　
　　　　　　　　伝説中0既紅薬水　（短短３分鐘）　　、、、　日本有乳癌BLOG 人話、見到紅薬水就無得吾認自己係「癌病患者」、所以大人人先知有「紅薬水」0尼様野
第三吊　：　　第２隻抗癌剤加塩水　（大約３０分鐘）
第四吊　：　　最後一包、、、吾記得係0羊、但無抗癌剤成分、可能都係塩水、営養肥仔水0個類　（大約１５分鐘）

好彩無薬物敏感、吊完頭幾個鐘都同平日一様

未開始時、会問点解吾係毎次都入院治療
但無薬物敏感0既話、又真係無野Wow 　（有D 日本患者因為医院同屋企距離問題、治療後仲要自己坐電車返屋企）
大人人今次入院出院就来回坐的士
吾試吾知。　家陣都明白点解第２次開始吾使住院吊
聽化療専組護士講、無薬物敏感係正常0既、加上近年0既止嘔薬幾得、所以病人吊薬水日係可以正常活動

因為驚嘔到９彩、所以都係餐餐少食DD

晩餐後、同隔離床２個Aunts 講講講、今次又有好彩、不過遅D 講。
原来大家都係同個医生、大家又係入院治療、但Aunts 就大件事D 、D 薬要吊２日、頭尾要入院３日

９号晩、頭痛先0黎搵大人人、但頭痛吾関治療事、係個枕頭問題、大人人見只係住一晩、所以無帯私家枕、食完止痛薬、又好ＤＤ

之後到阿作悶作嘔0黎、仲要0黎２個吾同様0既　…　　先0黎0個個係似食得多、食到飽到上喉嚨0個種
再0黎0個個就真係似病0個種作嘔、吾係好難頂、但都報告護士有反応　
結果2300　阿護士話吾好忍、打0左枝針先有覚得眠。

但、眠眠0下又到阿麻痺0黎
左右手都麻痺（左手因為今次Ｄ薬、右手就手術Bonus）
不過好彩都係麻一麻痺一痺醒一醒、都可以眠到0600

４月１０
眠醒、又一切正常。　医生0黎、見無野、放大人人出院
薬剤師又0黎、話大人人知D 薬点食、其実全部都係止嘔薬、只係強度吾同、但阿薬剤師講得十分詳細
老實真係未0向医院見個難睇面色

見真係好精神、大人人就１０点多出院、出院後仲快快手開車去撹撹個頭
Haaaaaaaaaaaaaa ～　時間精神関係、大人人尋日就叫美容師姐姐刨0左個頭変Skin Head
家陣D 頭髪得３ｍｍ長　
吾係小灰灰安慰大人人、大人人個Skin head 都吾差0架、不過天気仲有D 涼、所以包0左頭巾、尋日包Snoopy 、超可愛0牙
今日包迷彩、型0牙　
本来打算真係開始有脱髪先去撹個頭、但医院各組医生都話、副作用吾知幾時到、有精神就做0左D 要「非出街不可」0既事先
去超市0尼D 、大人人有Part time Aunts 、木村可以代労、但自己個頭、無人幇到、所以、、、

今朝報告木村媽、木村媽就当然大叫La 。　話、、、頭髪係女性0既生命、、、　烏烏烏地叫替大人人肉赤
其実、治療後副作用過去、頭髪就会正常生返、合指一算、大人人都係三個月療程、半年後就生返晒La 、所以又吾覚有吾好受0既感覚

吾知其他患者点睇、但請真係相信、副作用走、頭髪返0黎、聴聞新生0個D 髪質仲好過以前
所以吾好因為頭髪再為自己添加圧力

４月１１
今日大人人暫時都OK

多謝各位関心　～　～　

2013年4月5日金曜日

収保険金（日本）２　～乳癌

又要講講保険

大人人嫁到日本無耐、木村就同大人人買0左個一般保険
一般即係様様包D 、好過無0甘La

大人人0向日本有個「健康保険」
一般去睇医生只係要比３０％銭就OK
但0尼D 又吾会特別再包住院、手術、一D 先進医療（即係部分日本政府未列作保険医療範囲内0既新医療方法）
一D 無被日本政府列入保険範囲以内0既医療、好似有関淋巴0既病、都係近年先被日本政府認可為保険項目

之前大人人都覚得有健康保険、自己又有買保険、OK La

吾知点解上年（２０１２年）夏天、大人人不時講笑話自己会生癌　、、、（好0既吾霊醜0既霊！！！）
阿木村又好認真答、係0既話就要加保、加到有多D 癌症医療同其他重病補償0既
但大人人又吾多積極
結果　、、、到上年１１月中先簽晒名、落実加保

但個加保部分有個９０日冷凍期、保険個Aunt 話係由第一個比銭月数第一日開始数
即係１２月１号数、　９０日　→　３月１号

老實、大人人有過「等到３月２号」先去睇医生、但老實吾知自己有無命仔等到３月２
所以最終２月１号去睇医生、打晒輸数加保部分吾会有効

点知尋日保険Aunt 話、、、公司計算好補償金額、会過数入大人人戸口、叫大人人確認
仲話　：　　公司用0左加保後0個份保単計算
？？？？？？？？？？　　0甘0個９０日冷凍期　、、、、、、、、

保険Aunt 話公司由簽名日開始数、数到医院確認「病」0個日　
大人人好彩地過到９０日冷凍期、所以加保部分生効

嘩嘩嘩嘩嘩嘩嘩嘩嘩嘩嘩嘩嘩嘩嘩
無聴錯？　

再問保険Aunt 会吾会一陣話計算錯誤、突然問大人人攞返D 銭
保険Aunt 話「吾会」、「出得就吾会収返」

真係又要謝天謝地
加保前同加保後、同個項目補償金額様様多D
特別係癌症補償最大金額0個幾個、個個一個Double 上、D 補償金又比多２年、復発0既話又有得賠　
様様多DD 、少数長長計就係筆幾大0既補償金

大家都知、病向「「銭」」中医、様様都係銭
早幾日、大人人買0左三粒止吐薬（準備下星期２做化療時用）
只係３粒、就多謝　3700円　（因為有加入社会保険所以比３０％、無0既話差吾多要自費12000円）

家陣有保険金、0尼D 支出先有着落

仲有、、、
最最最好係有「先進医療服務」用到、大吉利是時負担少好多

仲有、仲有、要賛賛係
阿保険公司話0向計算大人人D 補償金時花0左比較多時間
所以比返個「利息」阿大人人、　D 利息正好幇補大人人坐的士去医院
0甘0既服務係吾係要大賛

相比　！！！

香港0個個保険、話0尼様0個様、文件認真地交Claims 処理、都係今個星期２　0既事　
日本0尼個保険同香港個保険係同時間出報告交有関負責人
点解撹0甘耐、、、0米因為日本0既医療習慣同香港大不同
大家0既「理所当然」「習慣」吾同Law

点都好、家陣等香港保険再覆有無問題、有問題仲要花時間精神継続「玩」