2009年10月18日 Entrelac 05 冷背心

　

話説：　

最近D 製成品都係帽帽帽、其實大人人都有織其他野0架～

大人人未識織Entrelac 0尼個格仔花時就已経好想織下面張相0尼個款

学完、織完幾頂帽後就胆粗粗地去織件背心

開始時都算順利、因為都係好似織帽0甘織

但去到開夾時就発現問題。

件衫個Pattern 係教前後幅分開織、但大人人就圓筒上、結果D 格仔0既方向同個Pattern 0既方向変0左相反

好彩0尼個Pattern 相反織都得、所以都可以織得完。

但又発現新問題、、、個夾位好細、件衫又好短！！

其實一邊織時就已経知有0尼２個問題、但大人人想吾到有解決方法、又吾想拆件衫再織長DD 、個心只係想、0尼件吾好0既地方就下一件改。

比BLOG 友睇睇、BLOG 友果然経験豊富、叫大人人加多個格仔、所以縫好0既背心又要做解体　　　　　　

就係0甘、件衫個夾位大0左、件衫又長返少少。

但、、、又有新問題！　吾知係吾係D 冷比較粗、所以件衫個Feel 好重、加上大人人又有返0甘上下大隻、着起件衫時、、、真係肥腫難分！！

之後BLOG 友話洗完做完定形後会好DD 、但一直天気吾好洗吾到、等0左２個幾星期、最終上個星期五天気好、可以晒冷衫。

洗完後、D 格仔拉開晒、無0左之前0個D 又厚又頓0既感覚

不過阿大人人無痩到、所以都依然係着到「虎背熊腰」

編織、、、真係好難！

2013.09.05　補充：
件衫、着過幾次後被大人人放上Yahoo JP 拍売場売0左0刺
話用過第２隻冷織過、所以0尼件吾好放0向企因為屋企細
但、、、　講話織過0個件就今時今日都未開始

2009年10月8日 猫鈕綿線頸巾

打大風～　

托各位0既福、今朝木村返工時都係有D 風、無雨

大人人尋日已経幫露台Ｄ花花做好防風

希望阿台風１８号吾好打爛日本La 　～

好！　講返大人人D 鈎鈎織織。

話説上次鈎完条春夏秋天都用得0既線頸巾比阿猫客後、大人人手多又鈎0左条。

一条普通都吾普通0既頸巾、只係加0左幾粒猫猫鈕

鈎完後、吾知做0羊好、所以又就放上Yahoo JP 拍売、睇睇有無”知音”

放0左幾個月都無成交、正準備収返個拍売自己用時、、、

Haaa ～　尋晩有人落Bid　、条頸巾成功売出0左　

好野～　難得有人鐘意大人人0既野　

幾銭成交？？　吾好講銭La ！　其實、売吾到幾多銭0架、、、

但D 銭都可以幫補小灰灰上網買幼冷比大人人織野比我地

　　万歳　　　　万歳　　　　万歳　　

2009年10月5日 Entrelac 04 小灰灰帽４頂

Haaa 　又係帽。　　今次Model 係我小灰灰

話説、肥頭表哥話要帽。　早陣子、大人人突然有心機織D 細細件、所以織0左３頂

第１頂　　

但肥頭表哥話吾要0甘多白色

就係0甘、有第２頂

Oh ! 頭頂0個少少白色影得吾清楚Tim

到第３頂時、大人人突然発揮小宇宙、玩創作

不過、肥頭表哥話吾要、、、吾係個Design 有問題、係肥頭表哥２隻耳吾会「樹」起。所以

頂帽就理所当然地益0左我小灰灰。　　（　→　点解D 帽全部得緑色同白色？？　因為肥頭表哥張Order 有指定顔色、話要墨緑色帽身、白色頂Law ）

至於0尼隻杯？0尼個盤？　

0尼個”波羅”？

0尼頂帽

係吾係幾正0尼？？

大人人本来想試織新野、吾知点解会変0左織野比小灰灰

大人人話織一頂小灰灰帽仲辛苦過織頂大人帽

吾計試針、阿大人人用足一日時間去織0架。因為D 冷好幼、要用0既針都好幼（日本針１号針）、、、有幾幼？　大家自己睇睇

0尼D 幼冷、平日大人人会２条３条一齊織。単一条織、今次都係第一次

当大人人好努力織帽時、小灰灰就上網搵肥頭表哥要0既顔色0既冷、本来叫0向Yahoo JP 搵到、但、、、最終都決定吾買、因為、、、

話説：　１０００円有１５個色0既冷、毎個冷重２５ｇ、共重３７５ｇ

一般0黎講、　Under ５００ｇ　0既郵費係３９０円

但都吾知個売家点包D 冷、話郵費要５８０円

嘩！　妹仔大過主人婆！！！　　所以大人人叫小灰灰再搵搵先。

肥頭表哥、你再等等La 、買到你要0既冷就会織頂比你0架0刺

又或者、、、你都要小灰灰0尼２個顔色？幼冷、大人人得0尼幾隻色、、、